-
Bigarren edizioa Deustuko Unibertsitateak bultzatu du, Bizkaiko Foru Aldundiaren laguntzarekin, eta STEM profilak dituzten Latinoamerikako 23 parte-hartzaile bilduko ditu Bizkaiko ekosistema berritzailean, master dual baten eta enpresa-proiektu errealen bidez.
Dagoeneko hasi da Deusto-Bizkaia Berrikuntza eta Ekintzailetza Globaleko Sarearen (RIEG) bigarren edizioa, Latinoamerikako STEM talentua identifikatu eta Bizkaiko lurraldera erakartzeko diseinatutako ekimena. Deustuko Unibertsitateak, Bizkaiko Foru Aldundiaren laguntzarekin susta du du proiektua, “Bizkaia with the talent” foru estategiaren baitan, eta AUSJAL Sarearen (Latinoamerikako Jesusen Lagundiaren Esku utzitako Unibertsitateen Elkartea) laguntza izan du. Ekimenaren helburua unibertsitateen, enpresen eta erakundeen artekolotura bultzatzea da, Bizkaiko berrikuntza, prestakuntza eta garapen teknologikoa bultzatzeko.
Ikasturte honek AUSJAL Sareko 10 unibertsitatetako 23 parte-hartzaile ditu (12 emakume eta 11 gizon), horien artean Argentina, Txile, Kolonbia, Guatemala, Mexiko, Peru eta Uruguaiko erakundeak. Gainera, RIEGek sektore akademikoan eta enpresa-sektorean banatutako 150 eragileren partaidetza aktiboa du dagoeneko.
Bigarren edizio honetako ongietorri ekitaldia joan den astean egin zen Deustuko Unibertsitatean, erakunde akademikoko Berrikuntza eta Ekintzailetzako zuzendari eta RIEGeko arduradun Garbiñe Henryren koordinaziopean. Horrez gain, María José Aranguren Donostiako Campuseko eta Deustuko Unibertsitateko Harreman Instituzionaletako errektoreordeak eta Joseba Mariezkurrena Bizkaiko Foru Aldundiko Ekintzailetza, Talentu eta Enpresa Lehiakortasuneko zuzendari nagusiak parte hartu zuten.
Formakuntza duala
RIEGen prestakuntza Berrikuntzako eta Teknologiako Etengabeko Prestakuntzako Masterrean oinarritzen da, “learning by doing” delakoan oinarritutako esperientzia ikuspegia duen programa dual batean. Master hau bi etapa osagarritan garatzen da. Iraila eta abendua bitartean, ikasleak Bizkaiko ekosistema berritzailean murgilduko dira, Laboral Kutxa, Iberdrola, PharmaBioServ, Petronor eta Deloitte enpresekin batera.
Otsailetik aurrera, parte hartzaileak konpainia liderren proiektuetan sartuko dira, besteak beste, Aindeep, BBVA Technology, CIE Automotive, EY, Haizea Bilbao, ULMA, Alba Energy, Arteche, EIT Food, Inser Robótica, Miesa, NWorld, RDT, Teknei, Vicrila, Zunibal eta Zyonia benetako enpresa ekimenen bidez eskuratutako ezagutzak praktikan jartzeko.
