TUMO

TUMO Bilbao-Bizkaiaren helburu nagusia da Bizkaiko gazteei trebetasun digitalen eta sormen-teknologien (STEAM: Zientzia, Teknologia, Ingeniaritza, Artea eta Matematikak) gaineko prestakuntza ematea, erabat doan. Proiektuaren bidez, talentu gaztea, sormena eta berrikuntzarako gaitasuna sustatu nahi dira, nazioarteko punta-puntako eredu pedagogiko baten bidez, lurraldean aukera-berdintasuna eta inklusio digitala bermatuta.

Proiektua Bizkaiko 12 eta 18 urte bitarteko gazteentzat da. Lehenengo urtean, zentroak 1.000 ikasle hartu ahal izango ditu astero, eta bigarren urtetik aurrera, berriz, 1500. Azkuna Zentroan (Bilboko Alondegia) abangoardiako gune batean kokatua, TUMO Path metodologia propioan oinarritutako prestakuntza-ibilbideak eskaintzen ditu, hots, autoikaskuntza gidatua, tailer praktikoak eta proiektuen laborategiak (lab-ak) profesional adituen laguntzaz uztartuak.

Prestakuntza-eskaintzaren barruan, teknologia- eta sormen-arloak daude, hala nola robotika, programazioa, bideojokoen garapena, diseinu grafikoa, animazioa, zinema, argazkigintza eta musika; gainera, 2027tik aurrera 3D modelatua eta adimen artifizial sortzailea alor aurreratuak gehitzea aurreikusten da. Ekimenak "la Caixa" Fundazioaren, Bizkaiko Foru Aldundiaren eta Bilboko Udalaren bultzada du.

Bizkaiko milaka gazte gaitasun digital aurreratuetan eta sormen-trebetasun teknologikoetan trebatzea, doako eredu pedagogiko berritzaile baten bidez. Proiektuari esker, STEAM diziplinetan prestakuntza handiko bertako talentu-harrobia sortu ahal izango da, eta inklusio digitala eta aukera-berdintasuna bermatuko dira. Era berean, Bizkaia hezkuntza-berrikuntzaren eta talentu gaztearen garapenaren esparruko nazioarteko lurralde-erreferente gisa sendotuko du, Estatuko lehen TUMO zentroa bertan egongo baita.