Bizkaia Euskaltel Digital Center

Bizkaia Euskaltel Digital Center talentu digitala bultzatzeko eta gaitasun teknologikoak gizarte osoari hurbiltzeko beharrari erantzuteko sortu da, Bizkaiko ekoizpen- eta gizarte-sarearen eraldaketa digitalean laguntzeko asmoz. Bilakaera teknologiko bizkorreko testuinguru honetan, funtsezkoa da gaitasun berriak eskuratzeko ahalmena erraztea, horien bidez talentuaren garapena, enpresen lehiakortasuna eta inklusio digitala hobetu ahal izateko.

Esparru horretan, zentroa gaikuntza digitalerako gune irekia izateko antolatuta dago, pertsonei eta enpresei gaitasun digital garrantzitsuak eta eskari handikoak eskuratzen trebatzera eta bide horretan laguntzera bideratuta.

Horretarako, prestakuntza-eskaintza garatuko da, hainbat maila eta profiletara egokitutako ibilbideetan egituratua, honako hauek uztartuko dituena:

• Aurrez aurreko prestakuntza,  zentroan bertan aplikatutako programa praktikoen, tailerren eta esperientzien bidez.
• Eskari handiko teknologiei buruzko prestakuntza-programak, merkatuaren beharrekin lerrokatuak eta hala gaitasunak hobetzera nola lanbide-prestakuntza eguneratzera bideratuak.

Hainbat profiletara bideratutako gaitasun digitalen gaineko prestakuntza-ibilbideak garatzea, oinarrizko prestakuntza eta prestakuntza aurreratua bat eginda hainbat arlotan, hala nola adimen artifizialean, zibersegurtasunean, 5Gan, programazioan, 3D inprimaketan eta etorkizuneko teknologietan, zentroan bertan aplikatutako jarduera praktikoekin, tailerrekin eta esperientziekin batera.